فنجال شاى بلبن

Thursday, February 24, 2011

وايه يعنى

معدش فارق معايا
بقيت بتعمل اللى النت عايزه
وكل مرة اقول وايه يعنى

اجرحنى تانى وايه يعنى
وهين كرامتى وايه يعنى
وانشغل بغيري وايه يعنى
وعاند معايا وايه يعنى

اخسرنى اكتر وايه يعنى

واتفضلوا فنجال شاى بلبن

Wednesday, February 23, 2011

انت عايز مني ايه ؟

ماينفعش تفضل تضاردنى كده مع كل فنجال شاى لبن
عايزنى اتكلم عليك؟
هل ياترى انت بتتكلم عليا ؟
لسه بتجيب فى سيرتى مع صحابك؟
هل لسه فى عقلك مكان ليا ؟زى ما فى عقلى مكان ليك؟
ولا بقيت مجرد شىء مسلم بيه فى حياتك؟

23-2-2011
مماعدتش فاكره تواريخ كانت مهمة زمان
لانى بقىتاريخ كل يوم مهم بالنسبالى

واتفضلوا فنجال شاى بلبن

Tuesday, January 18, 2011

الحمد لله

الحمد لله على كل حال

ولكن فى كثير من الاحول يكون حمد الله من اكبر النعم

اللهم لك الحمد حتى ترضى

ولك الحمد اذا رضيت

ولك الحمد بعد الرضا

حقيقى نعم ربنا علينا كتيييييييييييييييير قوى

ومن يتوكل على الله فهو حسبه

الحمد لله رب العالمين

واتفضلوا فنجال شاى بلبن

Thursday, January 13, 2011

ليه كده؟

ليه ساعات لسانا بيخونا ؟

ليه ساعات بنجرح اللى بنحبه وبنبقى عارفين انه هيتجرح وبنجرحه؟

ليه مانسكتش نصبر ونستنى نهدى ونقيم امورنا من الاول

وليه رغم اننا عارفين ان اللى قدامنا قال كده ذله لسان

لكن برضه بننجرح ؟

ليه ؟

واتفضلوا فنجال شاى بلبن

Friday, January 7, 2011

بنقلب على نفسنا المواجع ليه؟

سؤال سالته لنفسى وانا احاول استرجاع ذكرى مؤلمه

وقد كنت تناسيتها

فلماذا محاولة استرجاع الم اسكنه الزمن؟

فنجال شاى بلبن سابق

Wednesday, January 5, 2011

يااااااااااااااااااااه فرق كبير بين السما والارض

ماحدش طبعا كان هيسال عليا الفترة اللى فاتت

لانى اصلا مش بكلم حد فيكم

ولكن هقولكم برضه السبب اللى منعنى عنكم كل الوقت ده

لا مش لان الشاى ولا اللبن خلص من عندى

الحمد لله الخير كتير

ولكن لانى كنت نسيت الايميل اللى بدخل بيه هنا

اه نسيته

لانى دايما بكتبه فى ورقه عندى والورقه ضاعت

حوالى شهر

هما تقريبا 20 يوم

بشرب الشاى بلبن من غير مزاج

او من غير نفس

كل يوم احاول ادخل معرفش

ومن انشغالى ماكانش عندى وقت انى احاول افتكره او ارجعه تانى

لكن النهارده قررت انى لازم اثور

ولازم ارجع حقى اللى ضاع

ولازم اجيب ايميلى من تانى

والحمد لله جبته

واخيرا هشرب الشاى بلبن بنفس ومزاج

واتفضلوا فنجال شاى بلبن

Saturday, December 11, 2010

على السريع

عندى حاله من الفوضى محتاجه شهرين ترتيب فى البيت

كراكيب بتظهر فجاه وفجاه بحس ان الشقه مخنوقه وضيقه واتمه

لما بيكون ورايا حاجه اعملها كل تفكيرى بينصب فى ازاى اخلصها بسرعه وانجز عشان مافضلش شايله همها

لكن لا مش هعمل كده النهارده

قررت اقسم الشغل عشان مش عايزه افكر فى حاجه

حصل ايه يعنى لما نظمت ورتبت البيت ؟

اهو اتكركب تانى فى لحظه

يبقى بالهداوه بقى

بشويييييييييييييييييييييييش

يا خبر؟!!!!!!ايه ده؟

نص النهار ضاع وانا لسه بشرب فى الشاى بللبن

لالالالالالالالا

يللا يللا ماعنديش وقت

طيب يلا كده على السريع عشان الحق اغسل الفناجيل

اتفضلوا فنجال شاى بلبن