على السريع

  عندى حاله من الفوضى محتاجه شهرين ترتيب فى البيت 

كراكيب بتظهر فجاه وفجاه بحس ان الشقه مخنوقه وضيقه واتمه 

لما بيكون ورايا حاجه اعملها كل تفكيرى بينصب فى ازاى اخلصها بسرعه وانجز عشان مافضلش شايله همها 

لكن لا مش هعمل كده النهارده 

قررت اقسم الشغل عشان مش عايزه افكر فى حاجه 

حصل ايه يعنى لما نظمت ورتبت البيت ؟

اهو اتكركب تانى فى لحظه 

يبقى بالهداوه بقى 

بشويييييييييييييييييييييييش

يا خبر؟!!!!!!ايه ده؟

نص النهار ضاع وانا لسه بشرب فى الشاى بللبن 

لالالالالالالالا

يللا يللا ماعنديش وقت

طيب يلا كده على السريع عشان الحق اغسل الفناجيل

اتفضلوا فنجال شاى بلبن

الكافيتيريا

الشاى بلبن النهارده مش مظبوط قوى

 مش فى بيتى ومضطرة اشربه زى ما تعمل وخلاص

مش عارفه ليه النهارده بفتكر كل مرة كنت رة البيت وشربت شاى بلبن 

عند جدو 

عند خالو 

عند اخت جارتنا 

عند صاحبتى ايام الثانويه العامه 

فى الجامعه فى الكافتيريا 

الكافتيريا 

ايام جميله قوى ما تتعوضش ولا تتنسيش

ايام ماكان كوبايه الشاى باللبن بجنييييييييييه واحد بس 

بيتهيقلى دلوقتى غليت 

لالالا 

انا مش قديمه قوى كده 

من حوالى 4 سنين بس كنت لسه فى الجامعه 

يااااااااااااااااااااااه 

من 4 سنين؟ كتير قوى 

وشوفو حال الدنيا 

وصحابى راحو فين وكل واحده حالها ايه دلوقتى 

بحبهم قوى بجد 

رغم انى كنت دايما اقولهم وفى وشهم 

دى ايام سوده وعيشاها معاكم.. اخلص بس الجامعه ولا هفكر فيكم تانى ..قال توحشونى قال ..ليه يعنى ماحنا فى وش بعض ليل نهار 

بس اهى الجامعه خلصت وبحن للقاعده معاهم تانى جنب المسجد

ننم ونشرب الشاى بللبن

واتفضلوا فنجال شاى بلبن

اهلا بيا هنا

مهو بعد فنجال الشاى بلبن

لازم اكتبلى كلمتين

مش مهم هما ايه

لكن لازم امسك ورقه وقلم واكتب

ما بيهمنيش اى حد عايز ايه

لان ببقى خلاص ظبطت الدماغ وروقت القنانى

اهلا بيا هنا فى مدونتى الجديده

مش اى حد بقى عايز يقرا المدونات ولا عايز يقول اللى جواه

لكن انا بقى جبت اخرى

وجبت كمبيوتر جديد فرحانه بيه

وعايزه اقعد عليه ليل نهار

فى هدوووووووووء

وجنبى الشاى باللبن

اشرب فى هدوء وبدون ماحد يقاطعنى

عايزة هدوء شوية يا ناس

انا عاملة المدونه دى ليا انا لوحدى

عايزين تردو ردو

عايزين ماتردوش ماتردوش

لكن انا موعدكوش انى ازور مدوناتكم الا يمكن مرة او اتنين فى الشهر او فى السنه

واتفضلوا فنجان شاى بلبن